Mankomunitateak inausketa eta lorezaintza hondakinak uzteko leku bat izango du

0    Gizartea 
ETA KITTO ETA KITTO
Mankomunitateak inausketa eta lorezaintza hondakinak uzteko leku bat izango du
ETA KITTO 2019, Urt 31

José Ignacio Asensio, Gipuzkoako Hondakinen Kontsortzioko presidente eta Ingurumeneko diputatuak, eta Arcadio Benítez, Debabarreneko Mankomunitateko presidenteak, hitzarmena sinatu dute Mankomunitateak GHK-k eskuratutako lursail batean egingo duen erabileraren doako ematea erregulatzeko, Debabarrenako eskualdean sortzen diren inausketa eta lorezaintza hondakinak bildu eta gordetzeko, udaletatik eta mankomunitatetik jasotakoak.

Akordio honi esker, Mankomunitateak inausketa eta lorezaintza hondakinak uzteko leku bat izango du, eta Kontsortzioak hondakin horiek eskuragarri izango ditu Epele eta Lapatxeko konpostatze plantetan egituratzaile bezala erabiltzeko. Akordioak bilketaren kudeaketa hobetzen eta konpostaren ekoizpenerako emandako materialaren kalitatea handitzen lagunduko du. Honen inguruan José Ignacio Asensio Kontsortzioko presidenteak nabarmendu zuen organikoaren bilketak potentzial handia duela, “baina beharrezkoa dela bitartekoak zabaltzea eta herritarren parte-hartzea izatea kalitatezko konposta lortzeko”.

20 urteko erabilerarako ematearen iraupena ezarri da, hitzarmena gauzatzen denetik hasita, beste 10 urtez luzatu daitekeena. Emandako lursailak inausketa biltzeko eremu bat izan dezake, beste hondakinekin kutsadura gurutzatua ez emateko, transferentzia estazio batean gertatu daitekeena. Mankomunitateak bildu eta deskargatuko du inausketa, eta bere ardurapean egongo da Gipuzkoako Hondakinen Kontsortzioak material hori amaierako helmugara arte jaso bitartean.

Ibur-Celaizarretako terminoan dagoen mendi lursail honek (Eibar), duela gutxi egindako neurketaren arabera 3.780 m2-ko azalera du. Iparraldean Karabietako bidearekin muga egiten du; hegoaldean 1. Industrialdearen 31. lursailarekin; ekialdean, Eibar-Elgetako errepidearekin; eta mendebaldean, gainerako lursailarekin.

Gaiarekin zerikusia duten albisteak

« »