ETA KITTO
Jesus Gutierrez historialari eibartarrak ‘Eibarko berreraikuntza irudietan’ izeneko hitzaldia eskainiko du gaur, 19:00etan, Portalean. Administrazioaren Artxibo Orokorreko irudietan oinarritu da hitzaldiaren edukia osatzeko eta bertan azalduko diren irudi gehienak argitaratu gabeak dira, Gerra Zibila amaitu eta berehala lortuak.
Gutierrezek joan den astean esan zigun bezala, “herriaren %75 txikituta geratu zen bonbardaketen ondorioz”, eta herria berreraiki behar izan zen. “hor hazi zen gaur egun ezagutzen dugun Eibar”, historialariaren berbetan.