San Andres zaharren egoitzako langileak laguntza eske
2020/03/26
eta kitto!
Joan den astean San Andres zaharren egoitzan bizi den egoeraren berri jakin genuen han ama duen Marisa Ciden eskutik. Atzo, bestetik, egoitzan dauden bi egoiliar koronabirusak kutsatuta daudela jakin genuen. Eta gaur San Andres egoitzako langileek laguntza deia egin dute, egoiliarrentzat eta langileentzat NBE (Norbere Babeserako Ekipoak) eta koronabirus proba eske. “Gure familiarren eta gure biziak daude jokoan”, idatzi dute hiru langilek eusten duten kartelean.
