Kokein taldeak agurtuko du gaur Ikus-entzunezko Astea, 20:00etan hasiko den kontzertuarekin

0    Kultura 
ETA KITTO ETA KITTO
Kokein taldeak agurtuko du gaur Ikus-entzunezko Astea, 20:00etan hasiko den kontzertuarekin
ETA KITTO 2020, Uzt 02

Gaur amaituko da Arrate Kultur Elkarteak antolatutako Ikus-entzunezko Astea, baina aurretik, egitaraua ixteko, gaur 20:00etatik aurrera Kokein taldeak kontzertu akustikoa emango du San Andres elizako klaustroan.

1999ko urrian, beste hainbat taldetan aritutako musikariekin (Luther, Kukka, Kafha Ehun Kilo) eratutako taldea da KOKEIN . Eibarko lokaletan dagoen estudioan gaur egun aurkiezina den maketa bat grabatu zuten. Musika bere osotasunean ulertzen dute, mota konkretu batetatik baino askotatik edaten dutela argi utziz. Rock-aren ikuspegi berri batean murgiltzen dira lokalean kantak sortzerako orduan, 90. hamarkadako konposaketa gordinetatik hasi eta XXI. mendeko sofistikazioa lortu arte. Dagoeneko 6 disko argitaratu dituzte, azkena iaz, Lera izenekoa. Eibarko KOKEIN taldea azken hilabeteotan hainbat kontzertu akustiko eskaini ditu Euskal Herri osoan zehar euren abestiak irakurtzeko eta interpretatzeko modu ezberdinak daudela erakutsiz.

Gaiarekin zerikusia duten albisteak

« »