"Puntuak puntu"

“Garaian​ ​garaikoa”​ ​dio​ ​esaerak​ ​eta​ ​hala​ ​bizi​ ​dugu​ ​denok​ ​urte​ ​sasoi​ ​hau,​ ​baina bakoitzak​ ​bere​ ​erara.​ ​Ehiztariak​ ​zerura​ ​begira​ ​dabiltza,​ ​perretxiko​ ​zaleak​ ​lurrera​ ​eta bertsozaleok​ ​oholtzara.
Txapelketa​ ​garaian​ ​gaude,​ ​lau​ ​urtean​ ​behingo​ ​hitzaren​ ​olinpiada​ ​ari​ ​da​ ​ospatzen. Irailean​ ​hasi​ ​ziren​ ​lurralde​ ​bakoitzeko​ ​bertsolari​ ​onenak​ ​Euskal​ ​Herriko​ ​herri​ ​eta hirietan​ ​zehar​ ​lehian.​ ​Eta​ ​dagoeneko​ ​iritsi​ ​dira​ ​finalerdietako​ ​bigarren​ ​itzulira.
Bertsozaleok​ ​(frikienok​ ​behintzat), bertso​ ​saio​ ​dezente​ ​ikusten​ ​ditugu​ ​urtean​ ​zehar, bertso​ ​ugari​ ​entzuten​ ​dugu​ ​irratian,​ ​telebistan​ ​edo​ ​internet​ ​bidez.​ ​Baina​ ​Euskal Herriko​ ​Bertsolari​ ​Txapelketa​ ​Nagusian​ ​bertso​ ​saio​ ​arruntetan​ ​ematen​ ​ez​ ​diren​ ​beste faktore​ ​batzuk​ ​hartzen​ ​dute​ ​parte:​ ​tentsioa,​ ​emozioa,​ ​morboa.
Bertsozaleon​ ​zentzumen​ ​guztiak​ ​zorrozten​ ​ditu​ ​txapelketak,​ ​ez​ ​digu​ ​potto​ ​batek​ ​ere ihes​ ​egiten​ ​eta​ ​bertso​ ​asko​ ​betirako​ ​iltzatzen​ ​zaizkigu​ ​buruetan.​ ​“Batzutan​ ​da​ ​argia​ ​/ bestetan​ ​iluna​ ​...”,​ ​“...​ ​han​ ​sartu​ ​naiz​ ​toreroa​ ​/​ ​zezen-plazara​ ​bezela​ ​...”,​ ​“...​ ​ejem​ ​...”, “...​ ​baina​ ​hemengoak​ ​azalez​ ​eta​ ​/​ ​hitzez​ ​zuriak direnez...​ ​”​ ​eta​ ​beste​ ​hamaika​ ​bertso gehitu​ ​ditu​ ​txapelketak​ ​gure​ ​memorietan.
Aurtengoan​ ​erne​ ​dira​ ​ale​ ​batzuk​ ​dagoeneko​ ​eta​ ​oraindik​ ​Amurrio,​ ​Donibane​ ​Lohizune, Iruñea​ ​eta,​ ​nola​ ​ez,​ ​BECeko​ ​saioak​ ​geratzen​ ​dira.​ ​Egin​ ​tokia​ ​zuen​ ​buruetan,​ ​handia dator​ ​eta.