Parekidetasuna

Mercedes Kareaga bere garaiko emakume aitzindarietako bat izan zen. Hezkuntzan, euskalgintzan, herrigintzan eta emakumeen ahalduntzean egindako lanak arrasto sakona utzi zuen Eibarren, baina haren figura urte luzez itzalpean geratu da. Mercedes Kareaga Bekaren lehen emaitza den liburuan, Begoña Etxenagusiak haren bizitza ez ezik, XX. mendeko Eibarko memoria historikoaren zati bat ere berreskuratu du.